Janestuffagain - Jane

" المهجع تحت الأرض بطابقين، فيه شي خمسين معتقل، مراوح وشفاطات هواء كبيرة بتضل شغالة لتسحب الهواء والنفس لبرا حتى ما نموت خنق..

صوتهم بصرع صرع، 24 ساعة هدير وضجيج ما بيوقف.

فينكن تتخيلوا أنو ممكن تصير مذابح وعلقات وبكاء لمجرد أنو حدا قام بطفي الشفاطات؟!

السبب: لما يطفوا، بيعم الهدوء والصمت، وبيبقى صوت التعذيب والجلد والحرق والشبح يلي جاية من الممرات وساحات التعذيب برا طالع ومسموع بكل وضوح!

أنا كنت أبكي واترجاهن يرجعوا يشغلوها، سماع أصوتهن أصعب من وقت نحن نتعذب بألف ضعف!

نتمنى نطلع معهن نتعذب سوا ولا نبقى نسمع أصواتهن ونحن ناطرينهن حيرجعوا أو حيموتوا بين إيديهم..

الصراخ والشتائم والاستنجاد والتوسل والكفر والضرب كنا نخليها وراء صوت المراوح، متل ما كنا نخلي حالنا تحت بطانياتنا ونحن عم نبكي وندعيلن

🔥

محطة سكة القطار الحجازية - تل الشمّام ، الواقعة في غربي مرج ابن عامر بين بيسان وحيفا ، بنيت سنة 1903 لربط الشام بحيفا ولتسهيل عمل شركة البترول العراقية والسكة الحجازية وربطها بمصر ، المحطة عملت حتى سنة 1948 ثم هجرت بالنكبة مع اهالي قرية تل الشمّام الفلسطينية ، تستخدم مكاتب المحطة اليوم كمتحف لسكة القطار الحجازية .. المبنى الكبير ذو الطابقين هو المكتب الرئيسي حيث كانت تباع التذاكر وغرفة مدير المحطة ومساعديه، والطابق الثاني لسكن المدير وعائلته! المبنى الثاني المكون من غرفتين استخدم لعمّال المحطة ولمبيت نائب المدير -حوّل اليوم لصالة عرض ادوات قديمة وصور ووثائق للمحطة ، المبنى الصغير حمّامات ما زالت تستخدم الى يومنا . المبنى المدوّر هو البئر الذي كانت تنتشل منه المياه ، اذ ان القطار الذي مان يدور على الفحم كان بحاجة لكميات كبيرة من الماء لسيره وفي كل محطة كان يملئ احتياجه! المحطة وجع وحنين للماضي الفلسطيني ! #palestine #railway

Ärgere dich nicht mit mir